أغنيات رقيقة.

  يا طمعان بقطف الورد - نجاح سلام.  يا طمعان بقطف الورد، مش حاسب للشوك حساب، الدنيا فيها حر وبرد، ولازم تعرف شو الأسباب. يا طمعان بقطف الورد، قلبك حسرة لا تزيده، حتى ياللي بيقطف شهد، النحل بيبوس له إيده. قلب الورد ظالم، ما بيرحم الحسّاس، مكتوب على غصنه، يجرح كل الناس. يا ورد الْ عايش بالفيّ، خدّك خليني شوفه، واللي عم يسقيك الميّ، ليش بتجرح له كفوفه؟ https://soundcloud.com/3baad/zghobox2ygiy

 زهرات الجار - سعاد هاشم. لولا عرفتِ شو حبّيتك يا زهرات الجار، حبّيتك لأنه هوَّ قال عنَّك أشعار، شو عَ بالي لو حاكاني، تَ قلّه شيء كتير، إنه هوِّ حكاية كتير كبيرة بقلب صغير. هلّق راح ومدري لوين وصار يربّي زهور، عَ شي بيت كلّه فيّ صفصاف ومنثور، شو بتمنّى لولا بيعرف شو في بقلبي سرار، وياما، كرماله، حبّيتك يا زهرات الدّار. https://on.soundcloud.com/Jk4FHMYbp6B2bEaR6

 نطّرني، نطّرني، نطّرني عالشبّاك - جورجيت صايغ. نطّرني، نطّرني، نطّرني عالشبّاك، حاكاني، غنّى لي، بلّش يرمي لي شباك، ولحتى ما يتركني، ويرجع بكرة يعذّبني، ما حكيت ولا سألته ولا قلت له: شو بك؟ قالّي بدّو ينطرني بالسهرة من عشيّة، قلت له ما رح صدّق لو شفتك بعينيّه، ياما كذب عليّ، ياما ضحك عليّ، ما حكيت ولا سألته ولا قلت له: شو بك؟ مرّة رقّصني مرّة بآخر الصيفيّة، قالّي يا ريت بشوفك يوميّة بالشتويّة، مرقت كل الشتويّة ولا مرة طلّ عليّ، يوم شفته صوبي جاي سكّرتلّه الشبّاك.  https://on.soundcloud.com/WoRH52HHdQiMDxqk6

  ساعة نطّرني - جورجيت صايغ. ساعة نطّرني، جمعة نطّرني، شهور نطّرني، وآخرتها معه؟ ليلة سهرني، ليالي سهرّني، سنين سهّرني، وآخرتها معه؟ لكن العلّة شو ما قلّي، عيوني وقلبي دغري بيسمعوا. حبيبي مسافر صار له سنين، قلبي ناطر صار له سنين، يا عيون عيوني السهرانين، حاجة تبكوا، تدمعوا.  تخمين ناسيني تخمين، آه يا ورد العشقانين، مشتاقة عمري الحزين، بشيء ليلة ودّعه. https://on.soundcloud.com/BHZhTCHfY8RXfdKL7

 القهوة المنسيّة - فاديا الحاج. بهالقهوة المنسيّة، كان في قصّة مطويّة، منسيّة على شجر الرّمان. كان فيه واحد يقعد هون، كان ينطر وحدة هون، يطلب قهوة ويتلّي الدني دخّان، يمضى الوقت ناطرها، على المفرق ناطرها، وخيال البنت مخبّى ما بيطلّ، يمضى أكثر من ساعة،  والساعة وراء ساعة، صاحب القهوة واقف صار بدّه يفل. لما يضجر يتمشّى بين الطاولات، يحكي الطير والصدى والمسافات، صار غيابه بعده غياب، والهواء يشلّع الأبواب، وصاحبنا بعده ناطر عالباب. الورق الأصفر يتمرجح، يمرق حده ويتمرجح، وصاحبنا بعده ناطر عالباب. ما عاد عارف شو يقلّه أو يحكيه، تاري صاحبته الحلوة مش عم تحكيه، لياليهن بتشرين كانت سهر وحنين، تطليعاتن ولفتاتن حلوين. كان لما يشوفها يتضحّك لها ويقلّها: ليش تأخرتِ؟ هي تقول كان عندها درس كتير، بس أنا هربت من مدرستي. https://www.youtube.com/watch?v=H5hhsvoek2k

 الحلوة والحب - رونزى. من قال الهوى غدّار، لاطي* لي الحلا عالدرب، الحلوة ما بتوقع بالنّار، عَ هوى فكرا بتختار، وبتوقّع حالا في الحب.  من قال الهوى غدّار؟  حبيبي، أنا جاية، أنا جاية من الأحلام، مع نسمات الحريّة، ازرع أيّامك سلام، وإنتَ وأنا بالغرام، نتحوّل لغنيّة.   حبيبي تعا خدني عَ بيتك، سهّرني عَ سراج صغير، وظلّ احكي لي حكاياتك، تَـيوعى الفجر بكير، من عيوني ومن بسماتك. *لاطي: مفردة عاميّة تعني خبأ ليتربّص، أصلها فصيح (لطّ: ستر). https://on.soundcloud.com/YrnimpBdpZknPQrL7

قلّي الهوى - هدى حدّاد.  قلّي الهوى يا حبيبي كيف وإنت بعيد؟ بيبقى الهوى يا حبيبي من دون مواعيد.  بسهر، بيطول الليل، بغنّي وقول نسيت، بوعى من تكة إن بعدك حبيبي غفيت. ليش وإنتَ فلّيت بتقول مشتاق لي؟ وصوتك تركني وليش بعده عم ينده لي؟ وإن خلصت المواعيد، وبقيت إنتَ بعيد، بيبقى الهوى يا حبيبي. https://on.soundcloud.com/7onnpGgBYnxRURP46 ‏‬

   عَ دروبك يا هالحلو - فدوى عبيد. عَ دروبك يا هالحلو، يا ربيع بأوّله، نجوم السماء تركوا السماء، وصاروا عنّك يسألوا. سألوا عنّك بيت وبيت، بالضّيعة الْ فيها تربّيت، سألوا الفلِّة الْ عم بتصلّي، على هالتلَّة اللي حبّيت. سألوا الضّيعة دار ودار، وينك؟ طوّلت المشوار. قالوا بيرجع طير الْ طار، وغير الضيعة ما إله. أنا مع طلّة كل نهار، بذكر عَ النّبعة المشوار، شو تلاقينا، وشو غنّينا، شو تمنّينا ونحنا صغار، وشو تسمّعني وعود .. وعود، لما بعد الغيبة تعود، تجمع لي النجمات عقود، وأنا قلّك آه شو حلو! https://on.soundcloud.com/UuFkyBy4xoQkUFkc6

  يا ريت - سهام شمّاس. كلمات: طعّان أسعد. يا ريت في عنّا نسمات تحملنا، وموجات تسمعنا، وشراع بعده جديد، خلف المدى وبعيد، بشيء شط يزرعنا. يا ريت عنّا درب، أنت وأنا نمشيه، بيطلّ شرق وغرب، عَ الشّمس بتضوّيه، وعتمات بتناجيه. يا ريت نلقى جسور، يمشي الوفاء عليها، تودّي عَ مرج زهور، نرفرف حواليها، ودروب نمشيها، ما في حدا فيها، غير الحلا والنور. https://on.soundcloud.com/sYiAEqPikQbyxZYH7

  بآخر دني - سعاد هاشم. بآخر دني، بيته الهني، طريقه كله ورود. وأحلى حمى،  خلفه سماء، وتلة ما إلها حدود. يبقى المدى،  وفوقه الندى، وجناين المنثور، تحكي لنا،  تومي لنا، ونضيع بين زهور. وقال القلب يا ليت إلنا بيت وحده هون، تنزل نجوم الليل تضوي داره ميّة لون. بآخر دني، بيته الهني، طريقه كله ورود. وأحلى حمى،  خلفه سماء، وتلة ما إلها حدود. وقال القلب يا ليت إلنا بيت وحده هون، تنزل نجوم الليل تضوي داره ميّة لون. https://on.soundcloud.com/VagJGmQk793VFLBo9